Web de negocio
O nivel estaba dentro da clínica. Non na pantalla.
Máis de vinte e cinco anos en Arteixo, especialistas de verdade e unha clínica que convence en canto se entra. Nada diso lle chegaba a quen a buscaba por primeira vez. Refixemos a web enteira para que o primeiro que se vexa sexa o traballo.
- Web de negocio
- Tres idiomas
- Cita en liña
- Tipo
- Web de negocio
- Sector
- Clínica dental, Arteixo
- Alcance
- Web completa
- Idiomas
- Galego, castelán, inglés
A portada, gravada tal e como se ve no sitio. A animación non é decoración: explica nun ciclo o que a clínica fai.
O encargo
Competir sen gastar máis.
Unha clínica dental compite en Google con franquías que gastan en publicidade o que ela factura nun mes. Por volume non gaña. Por criterio si: vinte e cinco anos, especialistas de verdade e unhas instalacións que convencen en canto se entra.
O problema era que nada diso saía da sala. A web anterior enumeraba tratamentos; non ensinaba a clínica. E para pedir cita había que chamar en horario de consulta, que é xusto cando o paciente está traballando.
Que construímos
Ensinar antes de contar.
A estrutura completa do sitio, pensada para que un paciente novo chegue de Google a pedir cita sen pasar polo teléfono.
Portada animada
Unha coroa que baixa e asenta sobre a moa. Renderizada en 3D e servida como vídeo curto: o efecto é o mesmo e o custo para o móbil, moito menor.
Tratamentos con responsable
Cada tratamento leva o especialista que o asina. Un paciente que compara clínicas quere saber quen llo vai facer.
Instalacións e tecnoloxía
O equipamento real, en carrusel. Radiografía dixital, escáner intraoral, planificación guiada: dito co aparello diante, non como reclamo.
Reserva de cita
Un formulario que chega a recepción. Sen chamada, sen horario, sen ter que explicar dúas veces o mesmo.
Tres idiomas
Galego, castelán e inglés, coa mesma estrutura nos tres. O galego é o de casa, e vai primeiro.
Franxa de confianza
Anos, valoración de Google, reseñas verificadas e financiamento, arriba de todo. É o que un paciente novo comproba antes de ler nada.
Como funciona
De Google á cadeira.
O recorrido que fai un paciente novo, na orde na que o fai.
- 01
Chega buscando
Desde Google, no idioma que use e case sempre desde o móbil. A portada carga xa pintada.
- 02
Ve a clínica
Antes de ler nada: a animación, os anos, a valoración. A confianza entra polos ollos.
- 03
Atopa o seu caso
O tratamento que lle preocupa, explicado sen xerga, e con nome e apelidos de quen o fai.
- 04
Pide cita sen chamar
Un formulario curto que cae en recepción. O teléfono deixa de ser a única porta.
Instalacións: fotos do equipamento que hai na clínica, non stock. É a diferenza entre dicir «tecnoloxía punteira» e ensinala.
As decisións difíciles
Onde non hai atallo.
O galego, primeiro. A clínica está en Arteixo e os seus pacientes falan galego. O sitio abre en galego e as outras dúas versións son iguais de completas, non un resumo.
Animación, non escena en vivo. Unha escena 3D real na portada quedaría espectacular nun portátil e faría suar a un móbil de gama media. Renderizouse unha vez e sérvese como vídeo.
WordPress con tema propio. Sen maquetador. A clínica pode escribir no blog e cambiar textos sen tocar o deseño, e o deseño non depende dun plugin que caduque.
Cabeceiras de seguridade. HSTS, política de contido e permisos restrinxidos. Nunha web sanitaria non é un extra: é o mínimo que se debe.
Con que está feito
- WordPress
- Tema a medida
- PHP
- JavaScript
- Animación 3D renderizada
- Carga diferida de imaxes
- LiteSpeed Cache
- HSTS + CSP